Մրցույթի ավարտ
Շնորհակալությու՛ն բոլոր մասնակցիններին։
Մրցույթին ներկայացված բոլոր աշխատանքները հասանելի են այստեղ
https://drive.google.com/drive/u/1/folders/174id75ZdAhXx8NVIvXh6A59dw5w-Zho5
Պատկերացրեք` ձեզ տրվել է հնարավորություն նախագծելու կենսունակ
հասարակական տարածք, որը համայնքի կողմից դառնալու է սիրելի հավաքատեղի և
ճարտարապետական նշանակալի կետ: Այս գաղափարը կյանքի կոչելու համար
փնտրում ենք նորարար և ստեղծագործ ճարտարապետների, ովքեր Երևանում, նորքի
լանջին գտնվող 1600 քմ հողատարածքը կվերածեն քաղաքային օազիսի։
Հողատարածքը գտնվում է բացառիկ վայրում՝ հեռուստաաշտարակի հարևանությամբ,
որտեղից բացվում է տեսարան դեպի Արարատ լեռ և Երևանի կենտրոն։
Մայրամուտները այստեղից անմոռանալի են և ձեր օգնությամբ մենք կարող ենք
դրանք հասանելի դարձնել բոլորի համար։ Պատկերացրեք միջոցառումների
հարթակ, որտեղ կկազմակերպվեն համերգներ բաց երկնքի տակ, վաղ առավոտյան
յոգայի դասեր նոր արթնացող քաղաքի տեսարանով, հարսանեկան ֆոտոսեսիաներ և
ոչ միայն։ Պատկերացրեք ընտանեկան և ընկերական հավաքույթներ պարտեզում՝
խորովածի և մեկ գավաթ գինու շուրջ, մինչ երեխաները անհոգ և ապահով խաղում
են տարածքում գտնվող խաղահրապարակում։
Մասնակցություն
Մասնակցության համար անհրաժեշտ է մինչև վերջնաժամկետը լրացնել
մասնակցության դիմումը, որը կարող եք գտնել ստորև։
Մրցույթը բաց է բոլորի համար՝ անկախ տարիքից, սեռից,
կրթությունից և կողմնորոշումից, սակայն նախապատվությունը կտրվի
ճարտարապետական համալսարանի ուսանողներին և արդեն հմուտ ու փորձառու
մասնագետներին: Մրցույթին կարող եք մասնակցել որպես անհատ կամ խմբով։
Մասնակցության գրանցման վերջնաժամկետի մասին լրացուցիչ մանրամասներ կարող
եք գտնել ստորև ներկայացված ժամանակացույցում: Գրանցումից առաջ խնդրում
ենք համոզվել, որ մրցույթի գրանցման ժամանակ տրամադրված էլեկտրոնային
հասցեն վավեր է, քանի որ հետագա հաղորդակցությունը տեղի է ունենալու
էլեկտրոնային փոստի միջոցով։
Ժամանակացույց
Նախագծի մեկնարկը համարվում է սուն հրավերի պաշտոնական հրապարակման օրը,
2024 թվականի սեպտեմբերի 9-ը:
01.10.2024
Մասնակցության հայտերի ներկայացման վերջնաժամկետ և լրացուցիչ նյութերի
հրապարակում։ Ուղիղ եթերում հարցուպատասխան կազմակերպիչների հետ, որտեղ
մասնակիցները կարող են հղել իրենց հուզող հարցերը և ավելի մանրամասն
ծանոթանալ նախագծին տեսազանգի միջոցով
24.10.2024
Վերջնականացված նախագծի ներկայացման վերջնաժամկետ
11.11.2024
Հաղթող նախագծի հայտարարում և մրցանակաբաշխություն։ Կկազմակերպվի առցանց
(հնարավոր է նաև օֆլայն) միջոցառում՝ նախագծի հաղթողին հայտարարելու և
մրցանակը հանձնելու համար
